Эрзянь кельсэ лиссть ламо тонавтома кинигат 1930-це иетнестэ. Эрзякс сёрмадыльть эрьва кодат тонавтнемапельть покш ломантненень ды вишкинетненень. Кона-кона тонавтнемапельтне нейгак муевить ды ловновить. 2012-2017 вейсэнь тевсэ Ине-Петрань ды Московонь Раськень ловнома кудотнень марто покш цифровка теезель. Ламо тевтне муевить авторонь коряс Суоми масторонь библиотекань сайтстэ:
https://fennougrica.kansalliskirjasto.fi/
Тесэ максан сюлмавкст кавто кинигас:
(1) Фалеев, Г. И. Физика. — Москов : Педагогикань ды тонавтома книгань государствань издательствась, 1934
https://fennougrica.kansalliskirjasto.fi/bitstream/handle/10024/67464/RU_NLR_ONL_13119_myv%20-%20page%201.pdf?sequence=1&isAllowed=y
(2) Верховской, В. Н. Химия : средней школань 7 классо тонавтнема книга : омбоце пелькс.— Москов : Педагогикань ды тонавтома книгань государствань издательствась, 1934
https://fennougrica.kansalliskirjasto.fi/bitstream/handle/10024/67427/RU_NLR_ONL_11680_myv.pdf?sequence=5&isAllowed=y
Неть кавто кинигатне пек эрявикс, зярдо вантано одс лисезь киниганть, Арпад Кошутонь сёрмадовт «Механиканть».
Эрявикс од кинигастонть вешнян вейсэнь эрзянь кель: улезэ сёрмадозь истямо кельсэ, конась чарькодеви эрзякс ловныцянень-кортыцянень. Нолдавост тевс терминт, конатне седе икелень сёрмадовкстнэсэяк вастневить.
Ламо вешан — виде. Ламонь кедьс эзть понгоно 1930-це иень кинигат, ды сынст эйсэяк ламо лия келень терминология.
Кадык 1930-це иень сёрмадовкстнэсэ ламо мезе витнемс-петнемс, ялатеке сынст лангс нежедезь арсян муеви эрзянь келень тансть.
А эряви од лесопед арсемс, ламо уш теезь, ды карминдерят од валонь тееме, эряволь аламошка ~ ламошка ванномс эрзянь литературасто.
Мелезэнь тусь, ламо тев теезь Арпадонь «Механикасонть», секскак арсян маштови ванномс омбоцедеяк. Сёрмадыцянстэнь савсь вешнемс ды муемс мейсэ панжомс ламо арсемат. Паряк Арпад макссы ваномс шкинеманзо, ды теке шкане ваннотадо 1930-це иень кинигатне, конататнень вере максынь.
Поладан терминологиянь ёнкстнэстэ.
Эрзянь кельсэ физикань кинигатнеде ламольть: Библиографической указательсэ, «Мордовиянь книгась» (1997) максовить кинигатнень лемест, теицяст. Физикань кинигатнеде паряк вейте-вейте костояк муевить. Хельсинкисэ ансяк вана те 1934-це иень 3-це пельксэсь. Лиси, васенце «механикаяк» уш 1939-це нолдазель. Паро мельсэ неевлинь кинигатнень эйстэ скан эли кинь виезэ, оцифровка.
http://multilingualfacilitation.com/docs/erzya-books.html